हा रुसवा सोड सखे
पुरे हा बहाणा, सोड ना अबोला
झुरतो तुझ्या विना, घडला काय गुन्हा
बनलो निशाणा, सोड ना अबोला |
इश्काची दौलत उधळी तुझा हा नखरा
मुखचंद्रा भवती कितीक फिरती नजरा
फसवा राग तुझा, अलबेला नशीला
करी मदहोश मला
नुरले भान आता, जाहला जीव खुळा
पुरे हा बहाणा, सोड ना अबोला |
तुझे फितूर डोळे, गाती भलत्या गजला
मदनाने केले मुश्कील जगणे मजला
पाहुनी मस्त अदा, फुले अंगार असा
सावरू तोल कसा?
नको छळवाद आता, झालो कुर्बान तुला
पुरे हा बहाणा, सोड ना अबोला |
गीत: वंदना विटणकर
संगीत: श्रीकांत ठाकरे
*** ***
