Saturday, April 11, 2009

saanga kasa jagaayach - Mangesh Padgaonkar


सांगा कसं जगायचं?
कण्हत कण्हत की गाणं म्हणत
तुम्हीच ठरवा!

डोळे भरून तुमची आठवण
कोणीतरी काढतंच ना?
ऊन ऊन दोन घास
तुमच्यासाठी वाढतंच ना?
शाप देत बसायचं की दुवा देत हसायचं
तुम्हीच ठरवा!

काळ्याकुट्ट काळोखात
जेंव्हा काही दिसत नसतं
तुमच्यासाठी कोणीतरी
दिवा घेऊन ऊभं असतं
काळोखात कुढायचं की प्रकाशात उडायचं
तुम्हीच ठरवा!

पायात काटे रुतून बसतात
हे अगदी खरं असतं,
आणि फुलं फुलून येतात
हे काय खरं नसतं?
काट्यांसारखं सलायचं की फुलांसारखं फुलायचं
तुम्हीच ठरवा!

पेला अर्धा सरला आहे
असं सुद्धा म्हणता येतं
पेला अर्धा भरला आहे
असं सुद्धा म्हणता येतं
सरला आहे म्हणायचं की भरला आहे म्हणायचं
तुम्हीच ठरवा!

सांगा कसं जगायचं?
कण्हत कण्हत की गाणं म्हणत
तुम्हीच ठरवा!

*** ***
शब्द: मंगेश पाडगांवकर

9 comments:

  1. Thanks lot sir i was looking for this poem since year.
    Thanks for posing it.
    ---Rohan Jadhav----

    ReplyDelete
  2. It is very very inspirational poem

    ReplyDelete
  3. जीव भरुन पहावे तुला एकदा
    रानाच्या बरगड्यातून पळस पेटताना.
    पाण्याच्या रिकाम्या चेहेऱ्याच्या
    शुभ्र शुभ्र कळ्या होताना.

    जीव भरुन पहावे तुला एकदा
    अनिवार हाक प्राणात भरुन:
    मोर अंधाराचा थुईथुई भिजताना
    पिसाऱ्याचे उधळे आभाळ करुन.

    जीव भरुन पहावे तुला एकदा
    कळ्यांच्या पहाटे,फुलांच्या सकाळी;
    काजव्यांच्या लिपीतले झुलते गाणे
    मिटल्या डोळ्यात ओलावताना कधी काळी.

    जीव भरुन पहावे तुला एकदा.
    जीव भरुन तुझे व्हावे एकदा.

    ReplyDelete
  4. jaganyach tatvdnyan sanganari kavita.

    ReplyDelete
  5. सुंदर कविता!! प्रेरणा देणारी
    आजोबांच्या खोलीत आता धुक॑ धुक॑ ही कविता शोधतीये आहे आपल्याकडे ?

    ReplyDelete
  6. सुंदर कविता!! प्रेरणा देणारी
    आजोबांच्या खोलीत आता धुक॑ धुक॑ ही कविता शोधतीये आहे आपल्याकडे ?

    ReplyDelete

Please note that your comment will go live immediately after you click 'Post Comment' button and after that you will not be able to edit your comment. Please check the preview if you need.

You can use some HTML tags, such as <b>, <i>, <a> etc.